![](https://casadatulla.com/wp-content/uploads/2015/10/historia-patata.png)
HISTORIA DA PATACA
A pataca é orixinaria dos Andes chileno-peruanos (América) e chegou a España en 1560, pero empregábase como pranta decorativa, non comestible. Coñecida como “raíz do diaño”, tivo que gañarse a confianza dos europeos para formar parte da nosa gastronomía. As pragas que asolaron os castiñeiros no século XVIII axudaron a consolidar o seu consumo, xunto ás súas propiedades e ao seu sabor. Hoxe en día non podemos imaxinar a nosa dieta sen ela.
![variedades-compressor variedades-compressor](https://casadatulla.com/wp-content/uploads/2015/10/variedades-compressor-119x78.png)
VARIEDADE
Das múltiples variedades existentes, en Casa da Tulla cultivamos a pataca Kennebec, con tres calibres diferentes, e a ‘Fina de Carballo’, con dous. Esta última é unha variedade autóctona da zona de Bergantiños, caracterizada pola súa excelente calidade, dificilmente superada por outras variedades máis modernas. As nosas sinais de identidade son a produción artesanal e a aposta pola calidade, ao abeiro da Indicación Xeográfica Protegida (I. X. P.) ‘Pataca de Galicia’.
QUENES SOMOS
![](https://casadatulla.com/wp-content/uploads/2015/10/qs.png)
Todo comezou hai tres xeracións, cando os nosos avós adquiriron as terras que levaban anos traballando. Primeiro eles e logo os nosos pais dedicáronse á actividade agraria e gandeira. Desde os anos 70, pouco a pouco. introduciuse na zona o cultivo da pataca ao abeiro do Ministerio de Agricultura, que formou aos produtores da zona. A nosa explotación participou na produción de pataca de sementeira certificada, así como na creación dunha cooperativa de produtores de pataca de sementeira.
En 2004 apostamos pola produción da variedade Kennebec, e en 2008 adherímonos á Indicación Xeográfica Protexida ‘Pataca de Galicia’, que certifica a excelencia dos nosos produtos.
Na actualidade cultivamos 10 hectáreas de patacas da máxima calidade, Kennebec e ‘Fina de Carballo’.
VALORES
![](https://casadatulla.com/wp-content/uploads/2015/10/1.png)
Recollemos e envasamos a man os nosos produtos.
Coidamos ao máximo as nosas variedades, que non soportarían un proceso mecanizado.
![](https://casadatulla.com/wp-content/uploads/2015/10/2.png)
Conservación natural.
As nosas patacas non teñen conservantes engadidos.
![](https://casadatulla.com/wp-content/uploads/2015/10/3.png)
Produto de tempada.
Só producimos pataca nova ou fresca, natural, sen antixerminativos.
![](https://casadatulla.com/wp-content/uploads/2015/10/4.png)
Colleitamos as nosas propias patacas en leiras de secaño. Garantimos a trazabilidade ao 100%.
![](https://casadatulla.com/wp-content/uploads/2015/10/5.png)
Sen intermediarios.
Comercializamos directamente ao cliente final, para garantir as mellores condicións e calidade dos nosos produtos.
![](https://casadatulla.com/wp-content/uploads/2015/10/6.png)
Coristanco 100%.
Orixe certificada. Toda a nosa produción está radicada en Coristanco, na comarca de Bergantiños, na provincia da Coruña.
ONDE ESTAMOS
![](https://casadatulla.com/wp-content/uploads/2015/10/Objeto-inteligente-vectorial2.png)
HISTORIA DA CASA
As terras que hoxe compoñen a nosa explotación, como a maioría das da nosa contorna en Coristanco, pertencían a unha familia que habitualmente residía en Madrid e que as arrendaba para o seu cultivo. A nosa familia era unha das que traballaba esas leiras.
![](https://casadatulla.com/wp-content/uploads/2015/10/jkdnas.png)
ENTORNO
Coristanco, en Carballo (A Coruña), asociase ás patacas de calidade, e nós non iamos ser menos. Aproveitamos a gran riqueza dos nutrintes que nos regala este chan para cultivar as nosas variedades de patacas.
BLOGS
NA COCIÑA
A pataca é un dos ingredientes estrela dun sinfín de receitas: como protagonista e tamén como acompañamento de luxo. Aquí che descubrimos novas formas de saborear as nosas preciadas patacas. Agardamos que desfrutes tanto preparando estas elaboracións coma nós cultivándoas para ti.
NO CAMPO
A fusión da sabedoría tradicional, a experiencia da nosa familia e a aposta pola innovación en maquinaria aplícanse día a día no cultivo e na conservación dos nosos produtos. ¿Queres aventurarte a descubrir o proceso?
TENDA
![](https://casadatulla.com/wp-content/uploads/2015/10/pedidos.png)
981 733 159
info@casadatulla.com
Se queres facer un pedido ou informarte sobre
o proceso non dubides en contactarnos
CONTACTO
Casa da Tulla
Lugar do Podrizo, 9 – Oca
15147 – Coristanco (A Coruña)
info@casadatulla.com
(+34) 981 733 159
(+34) 678 611 684
![](https://casadatulla.com/wp-content/uploads/2015/10/6.jpg)
![](https://casadatulla.com/wp-content/uploads/2015/10/5.jpg)
![](https://casadatulla.com/wp-content/uploads/2015/10/4.jpg)
![](https://casadatulla.com/wp-content/uploads/2015/10/3.jpg)
![](https://casadatulla.com/wp-content/uploads/2015/10/2.jpg)
![](https://casadatulla.com/wp-content/uploads/2015/10/1.jpg)
Wordpress themes JazzSurf